Transport Falas për porositë mbi 5000 Lekë

Kushtet e Garancisë

Periudha e Garancisë

Periudha e garancisë fillon në datën e blerjes së produktit dhe përfundon në datën e përcaktuar në Fletën e Garancisë.

Para instalimit dhe përdorimit të produktit, ju lutemi lexoni me kujdes manualin/udhëzimet e prodhuesit dhe veproni në përputhje me rregullat e përcaktuara.

Ju lutemi ruani paketimin origjinal derisa të siguroheni që pajisja funksionon siç duhet.

Çfarë Mbulohet nga Garancia

Garancia mbulon riparime pa pagesë të produkteve të shitura nga Technosoft Shpk nëse plotësohen kushtet e mëposhtme:

  • Produkti ka defekt të origjinës prodhimi.
  • Produkti reklamohet në qendrën e servisit brenda Periudhës së Garancisë.
  • Produkti shoqërohet me Faturën e blerjes dhe Fletën e Garancisë.
  • Produkti nuk është hapur apo modifikuar nga persona të paautorizuar nga Technosoft Shpk.
  • Shërbimi i garancisë do të kryhet në qendrën e servisit të Technosoft Shpk.

Shërbimi i Garancisë në Vend (Onsite) mund të kryhet në ambientet e klientit me kërkesën e tij dhe kundrejt një tarife. Ky shërbim ofrohet vetëm për produkte që kanë të drejtë për garanci “Onsite”.

Shënim: Asnjë shërbim brenda periudhës së garancisë nuk do të zgjatë afatin e saj.

Shërbimi i Garancisë në Vend (Onsite)

Shërbimi “Onsite” aplikohet vetëm për produkte që kanë të drejtë për këtë lloj shërbimi dhe nuk garanton automatikisht trajtim në garanci:

  • Nëse pajisja plotëson kriteret e garancisë, shërbimi kryhet pa pagesë.
  • Nëse nuk plotëson kriteret, klienti paguan tarifën për shërbimin “Onsite”.

Klienti duhet të sigurojë ambient të përshtatshëm për shërbimin onsite.

Përgjegjësitë Tuaja

  • Siguroni një backup të të dhënave të pajisjes përpara dorëzimit. Technosoft Shpk nuk mban përgjegjësi për humbjen e të dhënave.
  • Hiqni çdo fjalëkalim nga pajisja ose siguroni qasjen e nevojshme për teknikët.
  • Largoni nga pajisja çdo USB, CD, kartë memorie përpara dorëzimit, pasi Technosoft nuk mban përgjegjësi për humbjen e tyre.

Çfarë Nuk Mbulohet nga Garancia

Garancia nuk mbulon:

  • Pajisjet me numër serial të dëmtuar ose të fshirë.
  • Pjesët e konsumueshme të produkteve si bojë printeri, toner, cilindër, etj.
  • Problemet e software-it si humbja, dëmtimi apo fshirja e të dhënave.
  • Dëmtimet fizike për shkak të aksidenteve, keqpërdorimit ose pakujdesisë.
  • Dëmtimet nga viruset.
  • Probleme për shkak të mosrespektimit të udhëzimeve për instalimin dhe përdorimin e produktit.
  • Dëmtimet nga mjedisi i papërshtatshëm (pluhur, lagështi, dridhje, temperaturë, fusha magnetike, etj.).
  • Materialet e lëngshme, zjarri, shkaqet natyrore apo vjedhja.
  • Problemet nga mbitensioni elektrik ose nga furnizimi me energji jashtë kufijve 230 ± 15%.
  • Ndërhyrjet e kryera nga persona të paautorizuar nga Technosoft Shpk.
  • Dëmet për shkak të pjesëve jo origjinale të përdorura në pajisje.
  • Ekranet e monitorëve dhe notebook-ve që kanë më pak se 3 “bright pixel” ose më pak se 5 “dark pixel”.
  • Llambat e projektorëve pas 90 ditësh nga blerja ose 500 orë pune.
  • Bateritë e notebook-ve pas 1 viti nga blerja.
  • Dëmet ndaj software-it ose të dhënave për shkak të defekteve në pajisje.
  • Dëme ndaj klientit ose palëve të treta për shkak të mosfunksionimit të produktit.